Köben

Kaupmannahöfn á morgun!

Strikið

Nyhavn

Christiania

Tivolí

Bara þessi venjulegi túr með gesti. Það sorglega við þennan er að þetta verður sá síðasti í langan tíma. Ó hvað ég á eftir að sakna þess að geta "skroppið" yfir brúna! 

Östermalm, Stockholm

Þrátt fyrir að vera á heimleið frá Svíþjóð þá held ég áfram að skoða sænskar fasteignir og láta mig dreyma. Það væri ekki leiðinlegt ef gámurinn minn myndi óvart lenda fyrir framan þessa dásamlegu íbúð í Östermalm í Stokkhólmi.

Síðustu dagarnir

Hér á bæ er allt á fullu. Við erum að pakka búslóðinni okkar í kassa og gámurinn kemur eftir viku. Tilfinningarnar eru blendnar og ég á mjög erfitt með að sætta mig við það að við séum að fara að yfirgefa Lundinn fagra. En nýtt ævintýri tekur við á Íslandi og við gerum gott úr því. Annars er ég eiginlega búin að sannfæra Jóa um að flytja aftur til Svíþjóðar þegar ég fer í meistaranám. Sjáum til hvort ég nenni að pakka búslóðinni í gám og rífa fjölskylduna upp þegar af því kemur. 

Myndirnar eru af Instagram frá síðustu viku. Ég fór meðal annars í húsmæðraorlof til Stokkhólms og naut mín vel. Svo eigum við von á gesti á fimmtudaginn og þá er það annað orlof í Köben. Ég get ekki kvartað yfir lífinu!

Lundur í gær

Lundur bauð upp á allt það besta í gær. Yndislegt veður og 25 stiga hiti, barnahátíð og alþjóðlega matarhátíð í miðbænum og nóg af uppákomum á öllum torgum. Um kvöldið var svo grill á Kjammanum og eftir það fórum við nokkrar saman yfir til Malmö og horfuðum Eurovision í Folkets Park á risa skjá, sitjandi á picnic teppi. Á svona dögum græt ég yfir því að ég sé að yfirgefa þetta ljúfa líf í Lundi!

Mexíkósk grillveisla úr Gestgjafanum

Ég greip grillblað Gestgjafans með þegar við fórum í gegnum Leifstöð í vikunni. Uppskriftirnar eru hver annarri girnilegri og í kvöld prufuðum við mexíkóska grillveislu í 24 stiga hita og glampandi sól. Ég var svo gráðug að byrja að borða að ég gleymdi að festa herlegheitin á filmu sem samanstóð af nachos-fjalli, grilluðum quesadillas með kjúkling, tómatsalsa og guacamole. Það er nóg afgangur sem ég ætla að borða með Eurovision á eftir og opna eins og einn kaldan með.

Áfram Ísland!

Sumar

Sænska sumarið tók vel á móti okkur eftir tveggja vikna ferð til Íslands. Yndislegt að koma heim í góða veðrið og blómailminn í Lundinum fagra. Við nutum okkar vel á Íslandi með vinum og fjölskyldu ásamt því að klára nokkur próf. Nú fer að styttast í fluttninga svo það er um að gera að njóta síðastu viknanna hérna í Svíþjóð.

Próflestur

Ég ætla að læra í dag! Fyrsta prófið er eftir viku svo ég þarf heldur betur spark í rassinn. Það er bara allt annað í heiminum meira spennandi í augnablikinu en skólabækurnar, meira segja að taka mynd af lestrarefninu og kaffibollanum. Athyglisbrestur á háu stigi!!